Bolluát og almenn gleði

Gaman að segja frá því að ég átti einusinni afmæli á bolludegi! Hvenær nákvæmlega, man ég ekki alveg, en bollan afmælaðist á bolludegi og þótti gleðilegt.

Góð saga ekki satt?

Þrátt fyrir óþrjótandi ást mína á bollum og bollulegum hlutum þá fór þessi bolludagur fyrir bý. Ég hef ekki verið í miklu bollustuði, þrátt fyrir leynilegt ástarsamband mitt við rjóma, og hef því alfarið sleppt bolluáti þetta árið.

Hef nú samt farið í eitt bollukaffi a-la amma. Ömmubollur eru að sjálfsögðu alltaf stórkostlegastar! Algerlega ölska þær. Ásamt ömmubollum var eitt stykki Valdabrauð á boðstólnum. Jú.. þið eruð að hugsa rétt. Valdi, Dossumaður, á sitt eigið brauð innan fjölskyldunnar! Þetta brauð er líka það vinsælasta í heiminum og klárast jafn hratt og ís í minni návist.

 

 

 

 

 

 

Fór annars á nýja veitingastaðinn Tandoori í gær. Það var bara ágætlega svei mér þá hressandi og skemmtilegt. Svolítið dýrara en á Saffran en afskaplega ljúffengt og réttirnir nokkuð vel útlátnir verð ég að segja. Ég fékk mér Tandoori kjúllann. Hann var svaðalega fínn. Tandoori er samt bleikara en allt sem er bleikt, eins og átfélagi minn hafði orð á í gær "Það er alltaf eins og kjúklingurinn sé varalitaður!".

 

 

 

 

 

 

Vinnan hélt bolludaginn líka hátíðlegan. Ég góndi á nokkrar ofurbollur í hádeginu sem héngu kæruleysislega fyrir ofan alla "hollustuna" og hlógu að gangandi vegfarendum. Biðu eftir því að einhver bugaðist og fengi sér bita með hádegismatnum í staðinn fyrir í eftirrétt. Þið sjáið það sjálf, það eru allir í störukeppni við bollukvikindin!

 

 

 

 

 

 

Það voru nokkrir sem stóðust ekki mátið, brustu undan álaginu með miklum óhljóðum og nældu sér í risabollu með kjötbollunum sem voru svo í matinn.

Hádegismaturinn minn var svosum samur við sig. Glæsilega fínn og fallegur á að líta.

Er núna að hamsa í mig restina af þessu tandoori ævintýri. Þetta dugði mér í þrjár máltíðir mín kæru. Hádegis-, kvöldmatur og fyrir æfingu snarl!

Ég reyndi eins og ég gat að koma orðinu bolla fyrir í hverri málsgrein. Ég held það hafi næstum því tekist ágætlega. Bolla er orð sem kemst mjög auðveldlega á fyndnuorða listann minn.

Bolla bolla!

Hvað eru margar bollur í því?

Athugasemdir

[Heba Maren (IP-tala skráð) 15.2.2010 kl. 16:52]

þú ert nú að gera mikinn óleik að koma með svona flottar og girnilegar myndir af bollunum.. ég fékk mer enga bollu..fæ gubbuna á einum bita...mer finnst heimatilbúnar bollur BESTAR... þessar í bakaríunum er of mikið *gubb*

Ok en hvað er málið með kjúllan? á hann semsagt að vera svona rauður??

ég elska rjóma og jarðarber blandað saman... *óguð..himneskt*

[Hungradur (IP-tala skráð) 15.2.2010 kl. 17:11]

Mér líst best á ÖMMUBOLLURNAR.  Vatnsdeigsbollur med súkkuladi og rjóma...og gott ef ekki jardarberjasultu í rjómanum?  Slef slef slef.

Thad var einhver bloggari  á blog.is sem gaf okkur uppskrift af vatndeigsbollum í gaer eda fyrradag...hefdi átt ad bookmarka thad...vitidi hver thad var?

[Hungradur (IP-tala skráð) 15.2.2010 kl. 17:16]

HA HA...fann faersluna:

http://lydur.blog.is/blog/lydur/entry/124167/

[Þóra (IP-tala skráð) 15.2.2010 kl. 18:57]

Ég var að skoða uppskriftirnar þínar, ekkert smá girnilegt og ég kem sko til með að prófa þetta=) langar samt svo að vita hvað þetta poppies er hjá þér, þarna þessar litlu kúlur sem þú setur ofan á grautinn?

[Ella (IP-tala skráð) 16.2.2010 kl. 09:24]

Engar bollur étnar hér í Nidurlondum. Ég sko lúmskt sjúk í bakarísbollur, thessar med bleika glassúrnum og jardaberjarjómanum... nammi namm. En Hollendingar kunna ekki ad gera svoleidis svo ég var bollulaus thetta árid !

Er samt búin ad bjóda mér í baunasúpu í kvold, reyndar saltkjotslausa en thad hlýtur ad sleppa

[Elín Helga Egilsdóttir, 16.2.2010 kl. 09:33]

Heba Mare/Hungraður: Oh já. Ömmubollurnar eru bara det beste som er. Reyndar stöppuð jarðaber blönduð í rjómann - ekkert nema hamingja.

Þóra: Oh takk fyrir það, ég vona að þú getir nýtt þér eitthvað af þessu. Poppies kaypti ég í maður lifandi, þetta er svona hálfgert múslí/crunch. Getur keypt hunangsristað, það er ægilega fínt. Annars er þetta svolítið eins og popp barasta - ekki mikið bragð. Bara til að fullnægja áferðaperranum

Ella: Oh já. Mamman var með baunasúpu í gær. Þær eru dónalega góðar þessi grey. Mjög dónalega góðar! !