Snjóboltar - kókosboltar

Meira 2009 konfekt. Eitthvað sem ég hef verið að búa til frá því ég var púpa. Ég á það til að detta í kókosgírinn og kókos getur verið svo ljúffengislega góður. Þessir boltar eru æði. Karamelló, stökkir utaná og mjúkir að innan!

Það heyrist "kram knús krús" þegar þú bítur í þá = mjöög hár átvagls- og áferðaperrastuðull.

Ef þú borðar Bounty... þá borðar þú þessar krúttusprengjur svo sannarlega líka.

Snjóboltar

• 1 dl kókos
• 1 dl sykur
• 1 dl hveiti
• 1 eggjahvíta
• Súkkulaði að eigin vali. Til að húða (þarf ekki)

Eiiinfaalt

Aðferð:

1. Setja allt saman í skál og hræra vel. Deigið verður mjög klístrað.

2. Móta litlar kúlur úr deiginu. Stærð efti skapi og nennu - muna þá að aðlaga bökunartímann. Rúmlega tíkallastærð = fullkomlega krispí og mjúkir og karamella og hamingja og regnbogar og hvolpar!!!

Alls ekki hlutdræg... þið ráðið auðvitað stærðinni mín kæru.

Tíkallastærð!! En þú veist... þið ráðið!

*regnbogar*

Ráðið alveg sjálf.

Raða kúlum á bökunarpappír.

 

3. Setja inn í 175° heitan ofn í 4 - 6 mínútur eða þangað til botninn er rétt gylltur. Taka út úr ofni og kæla.

4. Bræða súkkulaði og velta boltunum upp úr því.

5. Borða, njóta, brosa og að sjálfsögðu... regnbogar.

Athugasemdir

[Sylvía (IP-tala skráð) 13.12.2010 kl. 18:29]

þessi verður klárlega prófuð :):)

[Þórdís (IP-tala skráð) 13.12.2010 kl. 20:49]

mmm.. sounds goood... en hvað eru c.a margir boltar í einni svona uppskrift :)?

[Heba Maren (IP-tala skráð) 13.12.2010 kl. 23:46]

þessi verður klárlega gerð um helgina. og hugsanlega prufað e-ð annað en sykurinn.. e-h hugmyndir?

[Elín Helga Egilsdóttir, 14.12.2010 kl. 10:48]

Sylvía: Crunchy kókos-í goodness.

Þórdís: Jah, hvað ætli ég hafi náð að snúa marga. 20 - 30 með góðu móti?

Heba Maren: Það er spurning sko. Sykurinn er náttúrulega það sem karamelliserast og gerir skorpuna crunchy og gefur karamellukeiminn. Hunang/agave alltaf klassískt, en þá er ég ekki viss um að kúlurnar verði "stökkar" utaná. Hmmm... viltu ekki nota hrásykur? (ekki það að hrásykur sé eitthvað annað en bara.. sykur). Ávaxtasykur?

Þetta er nú bara ágætis spurning. Einhver sem veit eitthvað meira en ég í þessum sykurefnum? :)

[Erna (IP-tala skráð) 14.12.2010 kl. 12:35]

Ekki er verið að vinna í annarri jólaátsgleði???????

??????? x 999

[Þorbjörg (IP-tala skráð) 14.12.2010 kl. 12:39]

Óguð, ég fæ tár í augun af gleði þegar ég hugsa um jólagjöfina frá því í fyrra... Þvílík unaðsleg dásemd... :)

[Gerður Sif (IP-tala skráð) 14.12.2010 kl. 13:26]

Þvílíkt er þetta girnilegt. :)

Tvær spurningar. Þarf að geyma þetta í ísskáp og er hentar þetta til að gefa í jólagjöf?

[Ragnhildur Þórðardóttir, 14.12.2010 kl. 13:26]

en að nota sukrin í staðinn fyrir sykur? http://www.funksjonellmat.no/sukrin-om.php