Bláberjagrautur

Hvað er það fyrsta sem þið hugsið um þegar þið heyrið hafragraut nefndan? Heitt gums, stundum hálf bragðlaust, sykur, mjólk... ég er nú búin að útbúa nokkra grauta og þeir geta verið miklu skemmtilegri til átu og ásýndar en margur heldur! Ójá!

Lítið brot af því sem ég hef verið að malla. En... ég hef meðal annars búið til ofurgrauta...

Grautur með skyri, ávöxtum, hnetum og múslí

...ísskápsgrauta...

Grautur yfir nótt - kaldur

...banana og perugrauta með hörfræjum...

Banana- og perugrautur með AB-mjólk og hörfræjum

...sætu kartöflu grauta...

Sæt kartafla, bananar, rúslur, hnetur og múslí.

...hnetugrauta...

Hunangs hnetu hafragraturu

...smákökugrauta...

Banana og kanilgrautur með mulinni súkkulaðibitaköku

...pumpkin pie grauta...

Pumpkin Pie hafragrautur

...grautarkökur...

Hafrakaka með skyr-próteinblandi, ávöxtum og hnetum

...ofnbakaða grauta...

Ofnbakaður hafragrautur með banana og eplum, skyrslettu og bláberjum

...hafragrauts splitt...

Hafragrauts Splitt

...hráskinku og hunangsmelónuhafra og salsa-egg hafra...

Grautur með hráskinku, döðlum, camembert og cantaloupe melónu

Salsa hafragrautur með eggi, ost og parmesan

...bolla grauta...

Bollagrautur með próteini og múslí, epli og C-vítamín vatn

...múslígrauta...

Múslígrautur og ber

...hnetusmjörskrukkugrauta...

Kanil- og bananagrautur í næstum því tómri hnetusmjörskrukku

...ljóta grauta... 

Hræðilega húðlitaður grautur

...bleika grauta...

Ofur stelpugrautur

...græna grauta...

Bananagrautur með spínati, grænn eins og grasið

...og síðast en ekki síst. Fjólubláa grauta! Vantar reyndar allt hafragrautsskraut á þessa elsku en það kom ekki að sök. Bláber eru ekkert nema æðisleg! Þó þau séu frosin!

Bláberjagrautur

Grautur eins og þér þykir hann bestur (bananagrautur með kanil væri æði hér), 1 skúbba prótein og vanilludropar hitað í potti - nú eða örbylgju. Hella frosnum bláberjunum út í sjóðandi heitan grautinn, hræra sama og sjá hann breyta um lit. Ég setti minn reyndar inn í ísskáp yfir nóttina og gleymdi að taka mynd eftir að skrautið var komið á. En það er allt í lagi. Hann var barasta wünderbar.

Grauturinn er einfaldlega bestur! Það held ég nú.


« Síðasta færsla | Næsta færsla »

Athugasemdir

1 identicon

Þú ert svo mikill snilli!

Erna (IP-tala skráð) 22.9.2009 kl. 10:00

2 Smámynd: Elín Helga Egilsdóttir

Ugh.. þetta voru svo góðir grautar! Mjög kát með að grautartímabilið sé aftur að ganga í garð

Elín Helga Egilsdóttir, 22.9.2009 kl. 10:14

3 identicon

OMG! Þetta er æði!

Ég er mikil grautamanneskja og eftir að ég fann síðuna þína hefur opnast alveg nýr heimur á hverjum morgni. Kertaljós og hafragrautur í morgunsárið. Ljúfa líf,ljúfa líf...

Hafragrautsknús og kossar á þig.

Elísa (IP-tala skráð) 23.9.2009 kl. 17:48

4 Smámynd: Elín Helga Egilsdóttir

Hihi takk fyrir og .. woohooo! Tvöfalt húrra fyrir kertaljósum og graut!

Elín Helga Egilsdóttir, 23.9.2009 kl. 19:50

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband