Sushinámskeið

Ójá! Sushi námskeið haldið í vinnunni og Örn Garðars kennarinn. Snillingurinn sem kom með uppskriftina af Marakóska kjúllanum!

Byrjað var á því að fræða okkur um grjónin, hvernig best sé að elda þau og blanda svo auðvelt sé að vinna með þau í framhaldinu. Edik/sykur/salt blanda, hella yfir, hræra vel, ekki merja!

Við fengum líka smá kennslu í grænmetisskurði. Einnig ágætis ráð varðandi niðurbrot á avocado. Skera til helminga að stein, snúa, slá hníf í stein og kippa honum upp úr! Afskaplega sneðugt!

Sushi félagar. Erna eldhússkvísa (benti mér á ofurbrauðið) og Siggan mín.

Tartarinn okkar. Lax, sesamfræ, sesamolía, gúrka, salt, pipar og piparrót! Mikið, mikið gúmmulaði.

Eitt af innvolsi í upprúllur. Lax, kóríander, engifer og lime börkur. Góóð lykt!

Þá hófst upprúllið. Bambusmotta, plast...

...nori blað...

...grjón og gleði...

...rúlla... sushirúlla! Hohooo!

Fengum að smakka rúlluna hja Erni í miðjum klíðum. Æði!

Inside out!

Afrakstur kvöldins. Fyrir heilan her... eða.. bara mig!

Í lok kvölds, og eftir tiltekt, fengum við að smakka rúllurnar sem Örn bjó til. Mikil hamingja og gleði að námskeði loknu.

Hér er svo aðalmaðurinn! Takk kærlega fyrir okkur!

Þetta var afskaplega skemmtilegt og sushi-ið æðislegt! Palli fékk stórvægilegt hamingjusjokk þegar ég kom heim með sushi fyrir hundrað manns og hertók rúllurnar!

Það er svolítið gaman að kunna að búa þetta til - alls ekki mikið mál, meiri handavinna, og viti menn, svo gott sem eins, ef ekki betra og það sem keypt er út úr búð! Ég sé sushi í minni nánustu framtíð!

Athugasemdir

[Hungradur (IP-tala skráð) 21.10.2009 kl. 06:07]

Sushi er hollt og gott.  Ekkert wasabi??

[Hungradur (IP-tala skráð) 21.10.2009 kl. 06:48]

 Já..piparrót er naestum thad sama.

[Elín Helga Egilsdóttir, 21.10.2009 kl. 09:14]

Jújú, wasabi-ið felur sig inn í rúllunum. Svo var að sjálfsögðu engifer, wasabi og sojasósa eftirá.

[Erna (IP-tala skráð) 21.10.2009 kl. 10:01]

Æðislegt! Er hérna alveg með vatn í munninum. Býst við mikilli veislu þegar le bebe er komið. Var hann annars með einhverjar góðar hugmyndir um grænmetissushi?

[Elín Helga Egilsdóttir, 21.10.2009 kl. 11:09]

Við stefum á sushigerð eftir jólin, hvítvín og almenn kósýheit!

Þetta var mest fiskur, aðallega af því að enginn var að spyrjast fyrir um grænmetis-týpuna. En það er ekkert mál að gera eitthvað osom grænmetissushi. Avocado, gúrka, sítrónugras, engifer og wasabimajo t.d. Við þurfum að experimenta með allskonar grænmeti og sósur með til að spæsa upp!

[Örn Garðarsson (IP-tala skráð) 21.10.2009 kl. 12:57]

Hæ takk kærlega fyrir mig í gær. Skemmtilegar móttökur og frábær hópur.. Kveðja Örn Garðars

[Laufey B (IP-tala skráð) 23.10.2009 kl. 18:35]

Namm, ég elska sushi og við höfum einmitt haldið skemmtileg "sushi partý" þar sem allir búa saman til sushi :)

Verð líka að mæla með Sushismiðjunni niðri við höfn (neðan við Búlluna), þau eru með geeeegggjað sushi og 2/1 af sushi á veitingastaðnum flesta daga skilst mér.

[Elín Helga Egilsdóttir, 23.10.2009 kl. 22:35]

Já, hef farið þangað og líkað vel. Sushi er æði, líka svo gaman að borða það