6 máltíðir yfir daginn

Sú fyrsta klukkan 06:00, á lyftingadögum - annars klukkan 9, og sú síðasta á milli 22:00 - 23:00 á kvöldin.

Morgunmatur - 09:00

Kökudeigs jarða- og bláberjagrautur.

Þessi var æði! Blandaði vanillupróteini (GRS-5), vanilludropum og kanil þykkt saman með vatni. Hrærði höfrum þar útí, bætti smá vatni við uppá áferð og svo loks frosnum jarða- og bláberjum! Yömmó!

Kökudeigs jarða- og bláberjagrautur

Millimál - 11:00

Banana- og eplaskyr með kanil. Draumur í ... plastboxi!

Banana- og eplaskyr með kanil

Banana- og eplaskyr með kanil

Hádegi - 13:40

Grillaður kjúlli og sæt kanilkartöflustappa (uppáhalds uppáhalds þessa stundina). Já, ég geri mér grein fyrir því að kanill hefur komið við sögu í fyrstu þremur máltíðum dagsins hjá mér!

Grilluð kjúllabringa, sæt kanilkartöflustappa og grænmó

Millimál - 16:00

Harðfiskurinn minn og hneturnar.

Harðfiskur

Pecanhnetur

Kvöldmatur - 19:00

Jújú, laukur, rauðlaukur, gulrætur og paprika steikt upp úr olíu, þangað til mjúkt. Saltað eilítið. Roastbeef rifið/skorið niður og bætt út á pönnuna rétt í endann til að hita. Ég tók pönnuna af hitanum og bætti svo kjötinu við, hrærði smá og voila! Þetta var æðislegt! Einfalt og bragðgott. Geri svona gums pottþétt aftur. Sætur laukur/gulrætur, smá saltbragð og piprað kjötið... mikið gott!

Roastbeef með steiktu grænmeti

Máltíð fyrir svefn - 23:00

Hnetusmjörsblandaður prótein 'búðingur'.

Próteini (GRS5), hnetusmjöri, kanil og vanilludropum blandað þykkt saman með vatni. Þessar blessuðu myndir gera því miður bragðinu, og áferðinni, ekki nein skil, myrkrið mín kæru. Blessað myrkrið. En ekki vera hrædd þó liturinn sé skelfilega óaðlaðandi - þetta er syyyyndsamlega gott snarl.

Hnetusmjörsblandaður prótein búðingur

Ljúfa líf og laugardagur á morgun! Ég bjó mér til kökudeig (eggjalaust) með súkkulaðibitum, hnetusmjöri og hnetum í gær og ætla að kaupa ísinn á morgun. Minn eigin kökudeigsís!! Hihiii...


« Síðasta færsla | Næsta færsla »

Athugasemdir

1 identicon

Nammi namm frá morgni til kvelds

Hungradur (IP-tala skráð) 2.10.2009 kl. 18:43

2 identicon

Namm...kem hingað á hverjum degi og slefa yfir myndunum þínum, gleður mig alltaf jafn mikið þegar það er komið nýtt blogg:)

Er meira að segja komin með æði fyir kanil sem er bara ekkert nema gott:)

Takk fyrir innblásturinn...

Sigrún (IP-tala skráð) 2.10.2009 kl. 22:51

3 Smámynd: Elín Helga Egilsdóttir

Hahah ég er sammála þér þar Sigrún. Kanill er uppáhalds kryddið mitt

Þakka þér annars kærlega fyrir mig!

Elín Helga Egilsdóttir, 3.10.2009 kl. 09:09

4 identicon

Ég aetla ekkert ad vera ad hraeda ykkur...en ég heyrdi einhverstadar ad of mikil kanilneysla vaeri ekki gód fyrir heilsuna.  Leitadi thess vegna ad thessu á netinu.  Sennilega finnst miklu betra efni um thetta en thad sem ég fann í fljótheitum.

Mér finnst kanill rosalega gódur.  Kanilsnúdar og kanill med sykri út á grjónagrautinn.

Bara svo thid vitid af thessu:

http://www.peoplespharmacy.com/2008/02/12/how-much-cinnam/

Hungradur (IP-tala skráð) 3.10.2009 kl. 11:16

5 Smámynd: Elín Helga Egilsdóttir

Já, hef einmitt heyrt af þessu líka. Þessi Cassia kanill.

En eins og einhver lét út úr sér - allt er gott í hófi Pínku kanill gerir ágætis mat æðislegan! hoho

Elín Helga Egilsdóttir, 3.10.2009 kl. 11:22

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband