Bananapönnsur með hnetusmjörs-súkkulaðisnúning

Jæja, mér tókst það! Kom afmælisdrengnum loks á óvart í morgun, þar sem ég klúðraði því í gær, með sjóðandi heitum afmælispönnsum við vakningu! Svaaakalega góðar verð ég að segja. Ef ég ætti pönnukökupönnu þá hefðu þær orðið rosalegar! Ég er alltaf svolítið hrifnari af þunnu pönnsunum, kannski af því mamma ofurpönnsa setti viðmiðið, en hinar eru alls ekki síðri kostur!

Bananapönnsur með hnetusmjörs - súkkulaðisnúning

1 og 1/4 bolli heilhveiti

1/2 tsk salt

2 tsk lyftiduft

1 tsk kanill

1 egg

1 tsk vanilludropar

1 msk hunang

1 og 3/4 bolli fjörmjólk

1 stappaður, mjög vel þroskaður, banani - má sleppa

Hnetusmjörs súkkulaðiblanda

2 msk hnetusmjör blandað saman við 2 msk eplamauk og 1 msk kakóduft.

Blanda þurru saman, svo blautu. Svo þurru og blautu. Ef þið viljið hafa deigið þynnra, þá er í góðu að bæta við meiri mjólk. Hnetusmjörsblönduna setti ég í lítinn poka sem ég klippti svo eitt hornið af. Auðveldara að skreyta pönnsurnar þannig. Hella deigi á heita pönnu og sprauta hnetusmjörs-súkkulaðiblöndunni strax á pönnukökuna. Þegar bubblur eru komnar í pönnsuna, og hún laus af pönnunni, snúdda henni við í smá stund.

Svona líka flottar og fínar! Tölustafurinn 7 er líka afskaplega ánægður með útkomuna - hann er í miklum breikdans þarna á pönnsunni! Elvis bliknar í samanburði!

Afmælis'hlaðborðið' þegar 'gamli' maðurinn reis úr rekkju!

Úr fókus, mjög ferskur, ný vaknaður (rauð augu og allt) og nokkuð kátur með supplæsið...

...sumar pönnsurnar voru það líka!

Ohh hvað þessar voru barasta fullkomnar. Meiriháttar góðar. Bæði bragðið og áferðin. Bananinn gerir þær líka mjúkar og djúsí. Palli er svakalega hrifinn. Ég á eftir að gera þessar mjög oft í náinni framtíð. Ég ætla svosum ekki að lofa þær neitt frekar - ég gæti það en þið verðið bara að trúa mér. Þær voru MEIRIHÁTTAR! Mmhmm...*pönnsugleði*

Til lukku með daginn þinn Palli minn! Nú er það berjamó í Húsafelli!!

Athugasemdir

[Laufey (IP-tala skráð) 30.8.2009 kl. 12:08]

Vá, en flottar! mér hefur aldrei dottið í hug að skreyta pönnsur! góð hugmynd til að poppa upp afmælismorgunmatinn :)

ég skoða stundum síðu sem heitir http://itzyskitchen.blogspot.com/, svona sniðug síða svipuð þinni með fullt af matarmyndum :)

[Elín Helga Egilsdóttir, 30.8.2009 kl. 12:11]

Ég rakst einmitt á svona pönnsuskreytingar á netrápi um daginn! Það eru til svo mörg sniðug matarblogg! Ilovit!

[Svava (IP-tala skráð) 31.8.2009 kl. 10:49]

staðfestist hér með að pönnsurnar voru góvar ..."makki mig" -já sem að btw vantar á listann góða

[dossa (IP-tala skráð) 31.8.2009 kl. 11:50]

heyyyyyyyy - ég fékk ekkert pönns, og kallaði Paulsen ekki ammlisskrímsl eins og sumir

[Elín Helga Egilsdóttir, 31.8.2009 kl. 15:32]

Það voru svo fáar pönsur eftir. Ég bý bara til meira einhverntíman á næstunni

[Erna (IP-tala skráð) 2.9.2009 kl. 13:27]

Hahahaha ég er svo innilega að fíla þessa sjöu þarna - djovla Elvis moves á henni!