Spartverjaæfing

Það var vetrarlykt úti í morgun. Funduð þið hana?

Er annars að borða þetta.

Eggjakaka og hvítkálshræra

Þetta...

Eggjakaka og hvítkálshræra

...er gott!

Hvítkál, laukur og vorlaukur steikt saman uppúr olíu þangað til meyrt. Kryddað eftir smekk og svkettu af balsamic ediki + soja bætt fagmannlega út á. 

Eggjakaka a la chef með spínati, pickles, dijon og tómötum.

Eggjakaka og hvítkálshræra

Morguninn var tekinn í Spartverjaæfingu. Eða svo segir mér netið.

Ég trúi því samt alveg. Þetta var HIIT djöfulsins.

Þá sérstaklega þegar þú er þreyttur og pínkulítið svangur, sem er þó ekki alveg marktækt og heldur heimskulegt ástand til að taka æfingu í sem ber nafnið "Spartverjaæfingin".

En það er búið og gert.

Kærið mig.

Gerir þú þetta kvikindi vel og vandlega færðu kærkominn verk í rassinn, haminn, fæturna, rassinn... rassinn.

Nei, ég sagði kærkominn verk. Ekki "beygðu þig eftir sápunni" verk.

...

Þú baðst um þetta.

HVERNIG?

  • 1 mínúta í djöfulgang
  • 15 sek í hvíld, jebb, bara 15 sek
  • 2 mín í hvíld eftir hvern hring, lengur/styttra eftir þörfum/getu
  • Endurtaka hringinn þrisvar

Reynið fyrst og fremst að halda góðu formi og gera æfingarnar rétt í staðinn fyrir að ná sem flestum endurtekningum. Finna fyrir vöðvunum og virkja allt sem á að virkja og halda miðjunni alltaf spenntri. Það gerir ekkert fyrir ykkur að komast í 120 goblet með bakið í beygju, rassinn lafandi, hendurnar slappar og fæturna skáhallt uppávið og niður.

  1. Rangt form fer með skrokkinn, bakið og systemið, og þið fáið kryppu fyrir fertugt
  2. Ef þið næðuð að taka goblet í þessu ofangreindu ástandi væruð þið eflaust eitthvað annað en mannleg

Einn... tveir... og... byrja!!

  1. Goblet hnébeygja, djúúúp og góð beygja gott fólk. Hugsið rass, rass, RASS
  2. Mountain climber - púls
  3. Ketilbjöllu sveifla - púls
  4. T-armbeygjur
  5. Splitt hnébeygjur, með hoppi takk - púls
  6. Standandi róður m/kb, halla fram
  7. KB hliðarhnébeygja, kb snertir gólf
  8. Armbeygja með lóðum, lyfta upp lóði í efstu stöðu
  9. Framstig með snúning + lóði ef þið treystið ykkur
  10. Axlapressa m/lóðum eða ketilbjöllum

Stutt, hnitmiðað, svaðalegt, lyftingar, brennsla, 40 mínútur - inn og út úr salnum!

Prófið þetta sem fyrst mín kæru. Þið eigið eftir að standa á meiru en bara öndinni ef vel er í lagt!


« Síðasta færsla | Næsta færsla »

Athugasemdir

1 identicon

Tvær færslur í dag?

Could it be?

http://www.youtube.com/watch?v=BNowdx62tXo&feature=fvwrel ?

Dossan (IP-tala skráð) 18.8.2011 kl. 22:11

3 identicon

Dossan (IP-tala skráð) 19.8.2011 kl. 03:40

4 identicon

Hefur þú aldrei prófað Combat conditioning? Skemmtilegasta hreyfing sem ég hef gert (og ég elska að fara í ræktina og lyfta)

Smá vídjó hér að neðan (reyndar er það kennt í Combat gym í dag)

http://www.youtube.com/watch?v=Gj9V6j2vpuc

Hugrún (IP-tala skráð) 19.8.2011 kl. 15:27

5 Smámynd: Elín Helga Egilsdóttir

úúúúhhh nei, ekki prófað ennþá en lítur út fyrir að vera eitthvað right up my alley!

Tabata + crossfit + core æfingar = ööölsk!

Elín Helga Egilsdóttir, 21.8.2011 kl. 18:13

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband