Dramatísk endurkynni og brómberjahafrahamingja

BÚÚAHHH... HAHH... brá þér?

Fyrsti grautur síðan 25.05.2011 takk fyrir sælir góðan daginn Illugi og amma hans...

...sem var frekar óhress með uppátækið og bölsótaði ungu kynslóðinni fyrir óæskilegan hárvöxt og ömurlegan tónlistasmekk.

Sem kom grautnum hinsvegar ekki rassgat við!

TADAAA

Hello beautiful!

Brómberjagrautargleði

Þessi skál var ofur. Og innihald hennar ofur í öðru veldi sinnum pí. Skálin var hjúmöngus. Valin með einbeittum brotavilja, enda rúmmál þess sem kvikindið innhét... hjúmöngus.

Innihélt verandi lykilorð.

Brotavilji morgunsins var jafn tær og stærðin á YOYO ísboxunum. Þar eru ekki til lítil box, onei. Þar er einvörðungu ein ríkisstærð af risaboxum sem eru sérstaklega hönnuð með græðgisátvögl í huga því það vita allir að græðgisátvögl kunna ekki að fylla... ekki... upp í allt boxið!

Góður ís engu að síður.

Magnað hafragrautarát gott fólk. Stórmagnað.

Þetta át var svo viðbjóðslega magnað að hvorki ég, né skítfúla amma Illuga, áttuðum okkur á því hvað átt hafði sér stað þegar allt í einu grautur hætti að streyma inn fyrir átvaglsins varir og ekkert heyrðist nema skríkjandi kling og bang í smáskeiðinni þegar hún ítrekaða small í botn, og hliðar, ofurskálarinnar sem nú var orðin tóm.

Jóseppur og Mörfía alls þess sem er mood killer í heiminum.

Þessi upplifun var svo mögnuð að hún var næstum jafn suddaleg og að vera staddur í miðri orgíu þar sem allir eru gullfallegir og æðislegir og viljugir og gjafmildir og þú ert fetishið þeirra...

...get ég ímyndað mér. Því ég veit svo mikið hvernig það er að vera fetish í gullfallegri orgíu.

En það hlýtur bara að vera nokkuð magnað.

Athugið samt að ég sagði næstum... næstum er ekki alveg eins og alveg eins, nei, það er næstum.

ÞETTA er hinsvegar meira en bara næstum. Þetta ER! Ohhhh sweet baby jesus.

Brómberjagrautargleði

  • 1/2 bolli hafrar
  • 1 msk chia fræ
  • 1 msk husk
  • Rúmur bolli frosin brómber 
  • 1 eggjahvíta
  • Skúbba hreint prótein
  • Væn lúka möndlur
  • Smá salt, vanilludropar, kanill, kaffi, múskat
  • Vatn eftir smekk

Brómberjagrautargleði

Eigum við að tala um þykkildisofurhamingju borðað með hníf og gaffli og tuggið svo öll áferðarskilningarvit springa með tilheyrandi fnasi, stunum, rymji og smjatti í bland við óneitanlega dásamlegt bragð af kanil og múskatsparki í bland við dísæt ber og kaffiilm? Ha? Eigum við að ræða þetta eitthvað?

Nei... hélt ekki...

Brómberjagrautargleði

Það tók mig góðar 10 mínútur að klára kvikindið.

Ég brosti og grét, troddaði og brosti... og grét... svo hló ég... troddaði meira, grét smá meira... gleymdi að anda... brosti... mundi að anda... grét... allan tíman.

Þetta át var hvorki tignarlegt, fallegt, siðmenntað eða útpælt. Þetta var hreint og beint trodd.

Ahhhh, hafrar.

...

Hey! Svo útbjó ég þetta um daginn! Það innihélt m.a. banana og meiri karamellu!

Banoffee

MUAAAHAHAHAAAA......

...meira um það seinna.

Adéu!


« Síðasta færsla | Næsta færsla »

Athugasemdir

1 identicon

FOOOOOOKK BWAAAAAAHAHAHAHAHAHAAAAAAAA

Bjarni (IP-tala skráð) 8.8.2011 kl. 09:30

2 identicon

Snillind einar ... eins og s.s. svo oft áður og ekki við öðru að búast af þér :D

Ásta (IP-tala skráð) 8.8.2011 kl. 10:49

3 identicon

ES... Rakst á þetta app í snjallsímanum mínum og gat ekki annað en dottið þú í hug! http://picdish.com/

Ásta (aftur) (IP-tala skráð) 8.8.2011 kl. 10:50

4 Smámynd: Elín Helga Egilsdóttir

Ásta: OMG... hooomygodhomygodhomygod.

Ég þarf að kaupa mér nýjan síma.

Elín Helga Egilsdóttir, 8.8.2011 kl. 11:03

5 identicon

djöfulsins snillinguuuuuuuurrrr http://www.youtube.com/watch?v=3IDZ6VzDZ5c&feature=related ... sem þú ert Elín Helga  Frábær pistilll og girnileg uppskrift sem mun verða prófuð asap....

Hulda (IP-tala skráð) 8.8.2011 kl. 11:34

6 identicon

þú ert nú meiri illinn:)

mamma þín mörfía (IP-tala skráð) 8.8.2011 kl. 11:46

7 identicon

Vá hvað þessi færsla fékk mig til að brosa út af eyrum!

Guðrún Ýr (IP-tala skráð) 10.8.2011 kl. 15:28

8 Smámynd: Ragnhildur Þórðardóttir

úff.. Jónmundur og Jeremías.... þó ekki bæjarstjóri Seltjarnarness... nú þarf ég greinilega að fara á stúfana eftir brómberjum.

Annars ætlaði ég að segja þér frá nýyrðum mínum:

Framtíðarátsspenna: gríðarleg tilhlökkun til átu. Til dæmis þegar maður getur ekki sofnað fyrir spenningi yfir graut morgundagsins

Þátíðarátskvíði: þegar máltíð er lokið og sorg er í hjarta og heitasta óskin er að geta spólað tímann til baka og endurupplifa máltíð.

Ragnhildur Þórðardóttir, 13.8.2011 kl. 13:51

9 identicon

... er þá ekki fyrir(mál)tíðarspenna: gríðarlegur spenningur fyrir komandi máltíð

Hulda (IP-tala skráð) 17.8.2011 kl. 09:19

10 Smámynd: Elín Helga Egilsdóttir

Bwaahahahahaaaa... mjög gott!! Mjög mjög gott og verður nýtt í komandi framtíð!

Og já.. brómber = ást og friður!

Elín Helga Egilsdóttir, 18.8.2011 kl. 08:31

11 Smámynd: Ragnhildur Þórðardóttir

Fyrirmáltíðaspenna myndi flokkast undir sama hatt og framtíðarátsspenna í mínum bókum - geypileg hamingja yfir áti framtíðarinnar.

Ragnhildur Þórðardóttir, 18.8.2011 kl. 11:07

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband