Hafra- og hindberjakoddar

Jæja.. önnur tilraun, önnur hráefni. Svolítið samansafn af því sem til var, ef ég á að segja alveg eins og er, en útkoman var bara nokkuð ásættanleg.

Hafra- og hindberjastangir

Hafragums

270 gr. hafrar eða 6 dl

180 gr. eplamauk

3 msk hunang

salt

gomma kanill

1,5 tsk lyftiduft

6 msk vatn

1 tsk vanilludropar

Allt saman í skál...

...hræra vel og voila! Setja til hliðar á meðan hindberjagumsið er útbúið.

Hindberjagums

140 gr. frosin hindber

1/2 msk hunang eða agave

1/2 dl. goji berjasafi (eplasafi, appelsínu..)

Setja í skál og inn í örbylgju þangað til gumsið er orðið heitt...

...hræra þá örlítið saman eða þangað til það lítur um það bil svona út.

Fletja helming af hafradeigi út á bökunarpappírslagðri pönnu/fati/pappír (mæli með ílati sem hefur "kannta")...

...berjagums yfir það...

 

 

 

 

 

 

...og svo rest af deigi þar ofaná. Svolítill Dexter fílíngur í þessu ekki satt!!

 

Inn í 175 gráðu heitan ofn í 30 mín, eða þangað til hafrarnir eru fallega gylltir ofaná og dýrðin um það bil svona útlítandi.

 

 

 

 

 

 

Það væri að sjálfsögðu langsamlega best að hafa þetta í ferkönntuðu formi/fati til að auðvelda skurð og halda fullkomnunaráráttufíklinum hamingjusömum! Ég lét hringlaga smelluform duga.

Ágætt að leyfa "kökunni" að kólna smá áður en eiginlegur skurður á sér stað.

 

 

 

 

 

 

Niðurstaða:

Mjög bragðgott og skemmtilegt krums. Ekki svo ósvipað ofnbökuðum hafragraut (ekki dularfull ráðgáta það), en þéttara í sér og að sjálfsögðu í bitaformi sem auðveldar át ef mikið drífelsis-stress er í gangi. Sýran í berjunum ákkúrat næg á móti sætunni - mér persónulega þykir þetta nægjanlega sætt. Áferðin gleðileg og millilagið kætir átvaglið einstaklega. Gaman að bíta í koddana kalda og Svabban ánægð með útkomuna. Hún snakkaði á tveimur í morgun með skyri!

Hvað myndi ég gera öðruvísi næst?

• Tvöfalda berjagumsið, bæta út í það vanilludropum og sterkju til að þykkja. Nota bláber. Setja jafnvel nokkur heil frosin ber í millilagið áður en rest af deigi er smurt yfir.
• Nota grófa hafra. Annaðhvort græna solgryn eða tröllahafra. Setja helming af höfrum í matvinnsluvél og mylja smátt.
• Bæta út í hafragumsið t.d. muldum hörfræjum, þurrkuðum ávöxtum, hnetum...

Verður eitthvað næsta skipti?

Jább - með viðbætum, ábætum, úrbætum og einhverjum öðrum bætum!

Athugasemdir

[Hungradur (IP-tala skráð) 6.3.2010 kl. 22:20]

Thad er ekkert annad!!  Nú held ég ad enginn geti kvartad.  Myndir og step by step...glaesilegt.  Thú ert hetja.

[Karen (IP-tala skráð) 7.3.2010 kl. 11:38]

Vá þetta er örugglega geggjað gott, er búin að skrifa þessa hjá mér ;)

[Helena (IP-tala skráð) 7.3.2010 kl. 16:05]

mmm girnilegt :) Þessi verður prófuð, takk fyrir mig!

[Elín Helga Egilsdóttir, 7.3.2010 kl. 19:26]

Verði ykkur barasta að góður mín kæru og takk fyrir mig sömuleiðis.

Fékk mér einn kodda í morgun með próteinbúðing. Svínvirkaði :)